December 11, 2019
Khalilur Rahaman seeks relocation of PF office in Jangipur
Full Transcript
Thank you Sir.
Hamare Jangipur Lok Sabha ke andar bidi ke alawa dusra koi industry nehi hai. Sirf kuch kheti bacha hua hai, jo kheti har saal ban mein, river erosion mein khatigrast hota hai. Sath me majdoor ko ghar se beghar bhi hona parta hai. Sir, iske chalte bhiye hue bhi 1955 mein Titagarh office ke dwara Provident Fund chalu ho gaya bidi majdoor ka. Lekin bidi majdoor ka dikkat ko dekhte huye 2005 saal mein Shri Pranab Mukherjee ji ne Provident Fund office Jangipur mein khola. Isse khusi khusi 2005 se 2018 tak 2 lakh se lekar 5 lakh tak Majdoor enrollment ho gaya aur sath hi bohot khushi se kam ho raha tha. Achanak ratorat yeh office Jangipur se Behrampore shift ho gaya. Mera abedan hai, nibedan hai, majdoor ka dikkat ko dekhte huye office ko Behrampore se Jangipur punarsthapan kiya jai.
Dhanyabad.
