September 21, 2023
Prasun Banerjee’s speech in LS on India’s space journey, culminating in the Chandrayaan-3 mission
Mahoday, Main do minute bolunga, main sportman hoon. Main football khelta tha. Mujhe Arjun Award mila, Indian Captain ka daitwa mila aur first footballer MP ke roop mein main idhar aaya. Humare Sports MinisterAnurag ji baithe hain. Mujhe yahi kehna hai ki aaj itni khushi ka din hai. Hum chahte hain ki aaj koi ladai na ho aur koi jhamela na ho, aaram se chaliye, aaj koi political baat nahi hogi.
Aaj ek hi baat chalegi ki jo scientist bacche log hain, unko bahut ache se, pyar se hum sab log mil kar rakhein. Pehlebharat varsh mein aisa hua nah hai. Is bar itna acha hua ki hum sabdeh kar, samajh aur seekh rahein hai. Pehle hum log sochte the ki is kaam ko America karega, Russia karega, Japan karega, lekin humare bacche bhi itne sundar hai. Main sach bol raha hoon, haath jor kar bol raha hoon ki un logon hum sabhi mil kar badhai dein. Kisi party ki baat abhi nahi honi chahiye. Sab mil kar karenge. Jaise hum logon ki football team mil kar jeetta hai, vaise he jeetenge. Hum log jeetein bhi hai.
Sir, ek aur baat kehna chahunga, yahan bare bare Minister sahib baithe hain, sabhi ache aadmi hain. Unse vinti hai ki yeh jo team hai, in jitne logonne jo acha kaam kiya hai, un logon ko aap meherbani kar ke Padma Shri dijiye, sabko Padma Shri dijiye. Phir dekhiye kitna sundar chalega. App sabko badhai. Namaskar, aap log ache se rahiye, Jai Hind! Vande Mataram.
