March 14, 2017
Arpita Ghosh speaks on Demands for Grants of Ministry of Railways for 2017-18
FULL TRANSCRIPT
Thank you Sir, aapne mukhe mauka diya, main aap ke abhari hoon aur main aapne party ka bhi abhari hoon ki humein mauka diya gaya. Pehle to hum Jagdambika Ji ko thoda correct kar de ki jab Mamta Banerjee, jo abhi hamare Mananiya Mukhya Mantri hai, Rail Mantri thi, tab hi PPP model mein pehli dafa yeh sab stations development huyi hain.
Is bar Railway Budget mein 12 points diye huye hain, us mein kahin bhi punctuality ke barien mein ek bhi shabd nehi hain. Abhi aap jante hain ki aksar bohot hi train late ho rahe hain, iske bare mein yahan pe kahin zikar hona chahiye tha mujhe lagta hain aisa.
25 stations ko redevelop kiya jayega. Hamare jo constituency hain, Balurghat, wahaan pe Gangarampur-Buniyadpur yeh sab areas develop hi nahi hua hain. Aisa maine aap ko bohot dafa chitthi diya hain, NFR mein diye hain, tab bhi aisa kuch nahi hua. Gangarampur bahut neeche reh giya, lok chadh nahi paate hain wahaan se. Yeh develop karne ki bahut zaroorat hain. Aap redevelop karne se pehle agar yeh soch le to behtar hoga.
Aksar mujhe Rail mein safar karna padhta hain, raat ko whole night travel kar ke jaate hain apne constituency. Rail ke cleanliness ki halat abhi bahut hi kharab hain, Sir. Aap agar dekh le to yeh bahut behtar rahegi. Yeh zyada taur dekhna bahut zaroori ho gaya.
Coach Mitra ke barein mein aap ne Mention kiye hain ki abhi jo bhi complain hain woh aage chalke yahan launch kiya jayega to log complain kar payenge.
Toh abhi tak toh jo system hain, usme koi aisa nahin hain ki complaint karne ke baad feedback mile. Toh yeh feedback kaise mile, logon ko kaise maloom pare ki mera complaint darj hua hain ki nahin, uske upar action ho raha hain ki nahin, iske upar agar aap zara soche toh behtar hain.
Metro Railway ke liye aap ek baat bataye hain which is very important, I believe. A new Metro Rail Act laya jayega that will facilitate greater private participation and investment in construction and operation. Aur bola gaya hain ki kuch naya policy le ke aayenge aap jiske upar kuch employment generate hogi. Iske bare mein yahan kuch charcha ho nahin paya, par mera question yeh hain ki, kya hum log privatisation kit arak ja rahe hain?
Railway aisa hain ki aam janta us par chadte hain. Agar Railway privatisation ki taraf jaate hain – kyunki IRCON ko dekhiye, IRCTC ko dekhiye, jinko aap stock exchange mein list kar diye hain – toh lagta hain ki aage chalke yeh private hathon mein chala jayega. Toh Government ki kya soch hain yeh janna bahut zaroori hain. Rail jaisa important cheez agar privatisation ki taraf jayega toh hamari party zaroor iski virodh karegi, humlog isko support nahin karte hain, kyun ki Rail aam janta ke liye hain jo Government ke paas rehna chahiye.
Mera aur ek request hain. Purane bahut sanctioned projects hain. Jaise Mamata Banerjee jab Rail Mantri thi tab bahut saare projects di thi. Mere constituency mein bhi kuch projects the. Jab Trinamool ne government chor diya, tab woh sab projects bandh ho gayi thi. Usme se haal hi mein – maine aap ko bahut dafa likha hain – iss bar Balurghat-Hili project diya hain, jo bohut important hain. Buniyadpur mein ek wagon factory bhi hain jiska koi zikar nahin hai. Is bar bhi 1000 rupaye de kar chor diye hai. Aise karke agar purana project picche chala jayega aur naya project aage aate rahenge toh purana projects ka kya hoga?
Dusri baat yeh hai ki aapne bullet train ka zikar kiya hai, bohut badiya hoga agar bullet tran India mein chal sakti hain toh. Mere constituency mai ek/do train hain, rail lines kam hain. Is meh bullet train kahaan seh aayegi yeh sab problem hai agar aap dekh payein toh behtar rahega.
According to my knowledge jo humara metro rail hai, is bar metro rail ke project mein paisa diya gaya hai kuch. Metro ka jo bhi problem tha State Government ne resolve kar diya hai. Yeh humari maang hai ki agar aap metro rail ki projects ko expedite karein toh behetar rahega aur agar koi bhi problem reh jaye toh usko resolve karne in koshish karenge. East-West Corridor ka kya hua; is mein aapka ka kya soch hai, is ka zikar nahi hai. Aage jaake iska zikar ho to behtar rahega.
Is bar jo Rail Budget aur General Budget ko jod diya gaya hai, is ke peeche kuch kaaran toh hoga. Humein aisa koi kaaran samajh mein nahi aaya par ek chinta vyakt kar rahi hoon ki Railway ki privatisation karne ke liye hi yeh Budget se mila diya gaya hain; alag budget bandh kar diya gaya hai. Aisa nahi hona chahiye; aisa humara soch hain ki asal result kya hain yeh agar aap yeh sadan ke samne vyakt kare ke kyun Railway Budget ko General Budget ke sath mila diya gaya hai yeh saamne aana bahut zaroori hai.
Mere ek colleague ne aur ek request kiya hai ki Bishnupur-Tarakeshwar rail line bhi thoda jaldi se complete ho gaya toh bahut badiya hoga.
Aur aakhir mein aur ek baat. Meri jo constituency hai Balurghat, woh bahut hi backward hain. Mamata ji ne bahut sare projects diye the; woh projects agar aap phir se soch ke de dete hain toh hum bahut abhari rahenge.
Safety ke liye aap logon ne mention kiya hai Rs 1 lakh crore paanch saal main denge. Rs 20,000 crore every year, jis mein se Rs 15,000 crore government se ayegi aur Rs 5000 crore railway generate karegi. Yeh kahaan se generate karegi, kaise generate karegi is ke barein main aapka kya policy hain? Safety policy kya hai?
Safety bahut important hai. Ladkiyon aur mahilaon ke saath joh battameezi hoti hain trains mein us pe dhyan denge toh hum aap ke bahut aabhari rahenge.
Dhanyavad. Thank you very much.
