July 25, 2018
Sukhendu Sekhar Roy speaks on The Fugitive Economic Offenders Ordinance, 2018
FULL TRANSCRIPT
Sir, naitikta ki adhar par jo Bill laya gaya hain is mein kisiko apatti hona nahin chahiye, humein bhi apatti nahin hain. Lekin, humare man me sandeh aur sangshay hain, ki kitna dur tak yeh Bill safalta layegi.
Kyunki, pichle March mahine me, Lok Sabha mein (14 March ko), Sarkar ne bayan dian, ki abhi tak 30 bhagoda arthik aparadhi Hindustan se bahar hain aur unme Mr Silent Modi bhi hain, Mr Kingfisher Mallya bhi hain, aur woh Choksi bhi hain. To itne sare log bhagoda hain.
Aur yeh jo bataya gaya abhi, main isko final karna chahta hoon, yeh sab log sirf Congress ke time mein paisa loot kar bhaag gaya, aisa nahin hain. Is samay me bhi paisa liya gaya bankon se, jaise PNB ka jo scam hua Rs 14,000 crore ka. Is time mein bhi kuch log sare paise leke bhag gaye, tasveer kichwane ka baad.
To, yeh silsila bahut dino se chal raha hai. Aaj to yeh aarthik aparadhi hai isliye hum zyada charcha kar rahe hain, lekin others jo terrorist, doosre criminal offenders hain, woh bhi bahut dino se bhagoda hain. Sarkar ne koi kadam nahi uthaya. Kuch nahin kar paya. Jaise ki humare Bengal mein Purulia mein arms drop hua tha. Woh plane se arms giraya giya tha, kuch terrorist activity chalane ke liye. 25 saal beet gaye woh Latvian Kim Davy ko aaj tak Hindustan ke Sarkar wapas nehi la paya. Dawood Ibrahim abhibhi baithe huye hain, Hafix Sayeed abhi bhi baithe huye hain, Zakir Naik abhi bhi baithe huye hain. Aur Sarkar bol rahe hain usko bhejo aur jaha baithe huye hain wahan ka Sarkar bolte hain ki hum nahi bhejenge. Aur President ke saath tasveer kheech liya hai, jaise yaha bhi tasveer kicha gaya tha. To yeh sab chal raha hain. Mili-bhagat hain Sir, andar se.
Sir, mera yeh kahna hain ki, Chairman Sir, aaj jo mudda uthaya, yeh Bill ki charcha shuru hone ke samay, ki koi toh rasta nikala jaye, kaunsa rasta nikala jaye, kaise kiya jaye.
Pehli baat hai Extradition Treaty. Extradition Treaty ya DTTA kitne sare deshon ke sath Hindustan ka hain, Sarkar batayein. Humare hisab se Extradition treaty only 48 country ke sath hain. Duniya ke only 48 countries ke sath humare Extradition Treaty hain aur extradition arrangements hain aur 9 deshon se. Toh kul milake humara 57 countries mein arrangements hain, extradition arrangements ka, aur baki desh mein nahi hain. Toh woh jo Pepsi ya Choksi woh chale gay ek jagah, aaj akhbar mein nikla hain ki Caribbean country mein chala giya. Woh Antigua mein baith gaye, wahan passport kharid liya, ek do crore rupiyah deke, aisa details hain akhbar mein.
Toh aise bahut sare desh hain. Is ke pehle Jatin Mehta gaya, woh bhi ek island mein baith gaye. Wahan se kabhi bhi Hindustan ki Sarkar usko chhu nahi sakta, kanooni taur par, main bol raha hoon. In logo ko kabhi bhi chhu nahi sakta, toh rasta kya hai? Humare Tankha saab bol rahe the, ki international convention hain United Nations ka convention hain aur member states jo signatories hai isko us star par le jana chahiye. Hindustan ki Sarkar ko United Nations mein charcha karna chahiye, ki bilateral agreement ho, har desh jo United Nations ka member hain doosre deshon se bilateral agreement ho. Jis jis deshon se nahi hua, kyun nahi hua, isko jitna jaldi ho isko kiya jaye. Lekin Sarkar ki or se koi steps abhi tak Rashtra Sangh ke star par nahin laya gaya, mujhe is bare mein khed hain.
Abhi Sir, yeh to gaye kuch logon ke bare mein, ab woh Pepsi ya Choksi bol raha hain ki hum Hindustan wapas nahi ja sakte. Kyun nahin ja sakte? Wahan mob lynching ho raha hain. Mob lynching toh hoga hi. Agar tum aam janta ka paisa loot ke bhag jaoge, aur woh bhi 15,000 crore, aur yaha koi aadmi meat lekar jaa raha hai uska lynching ho raha hai. Koi insaan kisi se love marriage kiya, uska mob lynching ho raha hai aur jo Rs 15000 crore public ka paisa leke bhaag gaya uska mob lynching kaise nahi hoga? Ho sakta hain, ashankha toh paida hoti rahegi; toh mob lynching ground nahi ho sakta. Mr Kingfisher Mallya bol rahe hain ki hum wapas nahi ja sakte hain kyuki Hindustan ka jail condition bohut bura hai. Woh daaye side kisi ko leke baaye side kisi ko leke calendar banate the woh zamana chala gaya aur woh ab Hindustan ki jail mein nahi reh sakte. Bataiye kya mazak udha rahe hai. Vidhesh mein baith ke humare desh ka dhajjiya udha rahe hain aur hum khamosh baithe hain. Is Parliament ko is vishay mein aur gambhirta ke sath charcha karni chaiye aur iss Bill mein sudhar lana chaiye.
Main yeh kyun keh raha hoon? Kyun ki is Bill mein bahut inconsistencies hai. Jaise ki bataya gaya tha, aur yeh baat Tankha saheb neh uthaya tha yeh mudda, ki Rs 100 crore – ya usse zyada hoga – ton woh economic ka offender hain. Lekin kyu jo Rs 99,99,999 crore liye wo kya offender nahin honge?
Abhi toh Piyush Goyal ji nahi hain, kal woh mera mazak udha raha the ki member ke pass information hain aur sarkar ke pass information nahi hain. Aur abhi jo main information dene wala hoon agar Sarkar ke pass nahin ho to main de dunga aap ke izazat se. In bankon ka jo fraud hua yeh fraud karne ka bohut saara tarika hai, ek tarika yeh bhi hain ki maine 20 company khola hain aur 20 bankon se loan liya – kisi se Rs 20 crore, kisi se Rs 70 crore, kisi se Rs 90 crore, kisi se Rs 80 crore – kul mila ke Rs 500 crore se zyada humare group of companies ka hai. Yeh bhi ek tarika hai. Jo Rs 100 crore ka limit bataya gaya hai yahaan mere vichar se thik nahi hain. Isko sudharna chaiye. Sir, is mein kanooni or seh aage bahut samasya aa sakti hain.
Under Clause 14 of this Bill, any court or tribunal may bar an FEO (fugitive economic offender) from filing or defending any civil claim before it. Yeh joh legal access mein aap ne bar laga diya, kal agar challenge ho jata hain, toh is ko aap ko hatana padega kyunki in the Anita Kushwaha vs Pushap Sudan case in the Supreme Court in 2016, court ne bola justice pane ke liye agar hum legal access mangte hain us ko aap deny nahin kar sakte hain. Yeh humare Samvidhan ke khilaf hain. Yeh clause mere khayal se contentious clause hain.
Doosra hain ki, Bhupendra Yadav bhi apna vaktavya mein bol rahein the ki confiscated property ko sarkar kaam mein lagayega. Lekin confiscated property ka sales proceeds sarkar kaise kaam mein lagayega yeh nahin bataya gaya. Jaise ki Punjab National Bank ka Rs 14,000 crore chala giya; agar kuch paisa barammat hota hain property confiscate karne ke baad, toh woh paise PNB ke paas wapas aayega ki nahin is tarah ka koi pravdhaan Bill mein nahin rakha giya.
Aur search ke bare mein jo bataya Tankha ji ne – Section 94 aur Section 100 hain Criminal Procedure Code ka, uska violation hain. Search without warrant cannot be done. Woh rule mein bataya gaya hain yahan. Rule mein laya gaya lekin agar law main nahin laya gaya aur aap delegated legislation mein la rahe hain toh ye bhi aap ka court mein challenge ho sakta hain.
Aur aakhir me main bolna chahta hoon ki un logon ko jo court mein jaane ko access nahin de rahe hain, Article 21 of the Constitution will be violated. That right cannot be taken away without due process of law. There is a bar, and although property is not a fundamental right, it is under Article 300(A) of the Constitution. Therefore, it is a constitutional right and you cannot take away a constitutional right without due process of law. It is my humble submission that this point be taken care of by the Government.
Thank you.
