July 18, 2019
Khalilur Rahaman speaks on plight of biri workers in Murshidabad
Hamare Jangipur subdivision navarup se birichika chetra hain. Pure Hindusthan mein biri ke liye mashoor hain. Yahan kheti ya dusra koi industry bhi nehi hain. Yahan jo kheti hain, wo dhire dhire lupt hote ja raha hain Ganga river erosion ke liye.
Sir, GST lagu hone se pehle biri majdoor ke liye jo excise duties ke saath prati Rs 1000 mein panch rupya liya jata tha. 2000 saal mein hamara Labour Minister welfare department ke saath 20 acre zameen ke upar biri majdoor ke liye ek hospital banaya jiska naam Tarapur Central Hospital hain. Us samay saat doctor, nurse, technician ke saath aur jitne equipments tha sara lekar ke aur uske saath medicine pharmacy lekar shuru kiya. Bohut accha chal raha tha. Pichle 6/7 saal pehle se dhire dhire kum hote ja raha hain. Jo doctor transfer leke ja raha hain aur naya nehi aa raha hain. Abhi do doctor permanent hain aur teen doctor contractual mein kaam kar raha hain aur jo machines tha, wo sara bigad chukka hain. Kharab machine ko thik karne ke liye koi pravadan nehi kiya gaya, koi prachesta hi nehi kiya. Sister, nurse bhi kam ho gaya. Jahan operation hota tha, wo bhi bandh ho gaya, x-ray, ECG, lab sab kuch bandh ho gaya.
Ek biri majdoor ko bahar se test karwake yahan aana padta hain. Hamare Kendriya Sarkar ka jo hospital hain, Kendriya Sarkar ka ek baat bohot accha lagta hain, Gramin Vikas. Ek aur baat achha lagta hain Sabka Saath, Sabka Vikaas. To isko maintain rakhne ke liye us hospital ko jo lakhon lakhon biri shramik ko jo subidha mil raha tha, usko modernize kiya jaye aur lakhon lakhon biri shramik ko ye subidha mile chikitsa karne ke liye. Thank you.
