July 20, 2018
Dinesh Trivedi speaks on No-Confidence Motion
FULL TRANSCRIPT
Thank you very much, Sir. to begin with, I would like to thank the Chair and thank my party for giving me this opportunity to participate in this very, very important debate and discussion. At the outset, let me say, when we sing the song ‘Saare jahan se accha, yeh Hindustan hamara/ Hum bulbule hain inke, yeh gulistan hamara.’
Today you (TDP) have moved a very important motion and from my part and our leader, Mamata Banerjee, we want to tell you that we are totally, totally with you in this. What is India? Jab hum chaman ki baat karte hain toh hum har State ki gul hain. Aur woh gul ke bagair yeh gulistan jis tarah aaj abaad hain woh abaad nahin reh sakta. Magar dekhiye alam kya hain – who has moved and rightly so, because they feel aggrieved and they have explained in great length. Why? They were with the BJP and the ruling Government but they feel aggrieved. Can you imagine what the rest must be feeling? I am talking about the rest of the States as well. So obviously, one after the other, whether it is Shiv Sena, whether it is the TDP, ek ke baad ek, joh kehte hain na, bichre sabhi baari baari. Ab aap ke baari bhi aah raha hain.
Main yeh bhi kehna chahunga ki jab maine haath jor kar aap se appeal ki thi, sarkar se appeal ki thi – Chairman aur Hon’ble Speaker ka toh koi role nahin tha – magar sarkar ko humne appeal ki thi July 21 is supposed to be hamara Shahid Divas, aur is bar 25 saal poora ho rahe hain; July 21 we mark as Martyrs’ Day. Toh humne un saab martyrs ko – aap ko toh shayad shahidon se palla nahin para hoga, is liye pata nahin kiya, ki aap ka seena bada ho sakta hain magar shayad iss mein dil bhi bada hona chahiye. Gandhi ji ka seena bahut bada nahin tha magar dil bahut bada tha. Toh yadi aap is debate ko aaj na karke Somvaar ya kabhi aur kar dete toh mujhe nahi lagta hai ki aasmaan gid parta kyunki pichla satra pura washout ho gaya aur sabko pata kyun washout hua. Isliye us taraf mein hum nahain jayenge, yeh karte toh shahidon ke liye acha hota, toh main shahidon ko salute karke unko naman karke apni baat aapke saamne rakhna chahunga.
Yeh ladai hai usulon ki ladai aur is ladai mein aapko sabse pehle keh de; acche din ki baat kahi toh chaliye acche din ki baat se shuruat karte hain. Yeh kehte hain ‘gazab kiya tere baatin pe aaetewad kiya, chaar saal tak acche dinon ka intezaar kiya’ aur Sir, yeh tai hai ki usullon ki ladai mein, andhera saath nahi degi, chiragon ki safai mein.
Sir, they were asking why No-Confidence Motion? If you still don’t realise what is the situation it’s a very difficult thing which I cannot explain to you; it is like an ostrich, they choose to hide their head under the sand and they do not want to see the reality. Why do I say this? This was a very important time to set the House in order as far as the BJP government is concerned. Sir, can you imagine that democracy is in danger. This very temple of democracy is in danger. ‘Mobocracy’ cannot be the news normal. I am not saying that, I believe in whoever has said this. The four senior most retired (one of them) judges of the Supreme Court have gone on record on a press conference saying that democracy is in danger. It is only the other day that the observation of the honourable Supreme Court mentioned that ‘mobocracy’ cannot be the new normal. It says the horrendous act of ‘mobocracy’ cannot be permitted. All your institutions are crumbling.
Judiciary has said whatever they had to say. If you look at our friends in the media, if you look at the industrialists, if you look at the aam janta, there is an atmosphere of some kind of fear; and fear is not in our fitrat (nature). We are independent; it has taken a long time to get this independence.
Sir, again, these are the words of senior-most judges of Hon’ble Supreme Court. Aap jab dharam ki baat karte hain, to kya kahen, use hai wafa ki umeed jo jante nahi ke wafa kya hai. Sir, woh dharam ki baat karte hain, dharam ki duhayi dete hain, jo jante nahi dharam kya hai. Mujhe poocha kisne, ki bhai aap ke paas number hai ki nahi hain. Bahut saaf isme hum kehna chate hai aur kyunki aap, achi baat hain ke Ramayan aur Mahabharat ki baat karte hain, usse hum saab ko bahut sikhne ko milta hain. Mahabharat ki ladai main – maafi chahunga aap isko alag dhang se mat lijiyega, hum yeh political ladai ki baat kar rahe hain – woh ladai thi Kaurav aur Pandav mein. Pandavon ke paas sankhya nahi thi, Kaurav ke paas bahut bari sankhya thi magar Pandavon ke pass satya tha. Aur ‘Satyamev Jayate’ yeh humara nara hai. Satya mein hamesha jeet hoti hai. Yeh ho sakta hai ke aaj voting ke taraf, shayad aankre naa ho magar yeh humara dharam banta hai ke is democracy ko hum bachaye aur us dharam ke lagte hi aaj yeh No-Confidence Motion par hum charcha kar rahe hain aur uspar hum poora apna swikriti de rahein hai.
Sir, mujhe bhi accha laga jab Pradhan Mantri aiye, seriyo paar pranam kiya, humne bhi socha tha ke yehan zaroor Ram rajya jaisa koi vatavaran hoga. Ramrajya toh bahut door ki baat hai, par aap jadi Ram ke character ley lain, toh wo maryada pushuptam the. Unke pass, unhoneh raj chhora tha, unhoneh apna raj chhora tha, apne logo ki raksha karne ki liye, apne dharm ki raksha karne ki raj pat chhor kar jungle gaye the…Aapki duvidha yeh hai ki aap Ram ke am se raj karna chahte the aur Ram khud raj chhodke chale gaye. Aur yeh bhi aapko samajhna parega, Ram Ayodhya mein jaroor hain, lekin aapke liye sirf Ayodhya mein hain. Humko aisa ek kaum bataiyen jahan Ram nahin hain, hamein ek aisa hawa ka jhoka bataiyen jahan Ram nehi hain, huein aise ek paani ke boond bataiyen jahan Ram nehi hain, aur hamein aisa ek vyakti bataiyen jiske sine me Ram nehi hain. Aap Ram ko bhi kabze mein lana chahte hain, uspar bhi monopoly apna karna chahte hain. Hamari shiksha yeh hain ki hum sabme Ram dekhte hain, magar, aap kya eki hain, jo aap par hum sawal karte hain, aapka jawab eki hota hain aur jawab kya milta hain – Hindu Mussalman, Bharat Pakistan, Shamsaan Kabaristan. Yehi aapka narrative reh gaya hain, aakre to bahut a gaye. Magar, hum kuchhi chan anko mein kahenge- aur yeh hain abhi recently jo hamare paas anke aye Rupees ki value aaj sabse kam hain. Historically Rupees ki value sabse kam hain. Yeh bahut ek khatarnak ghanti hain hamare liye aur yeh hamein samajhna parega ki yeh bahut hi serious baat hain. Aur isko yadi aap ghjamvirta purbak nehi lenge to mein samajhta hun ki anewale dinon mein Hindustan ke liye khatre ki ghanti hain.
Abhi jaise bataya gaya hamare Mahesh Vyas se dwara, ki 2012 tak jitna nivesh hona tha, (uyo hain chief of CMIE) utna nivesh ho chuka hain. Investment climate bahut kam ho gayi hain, jitna investment karne ke jaroorat thi, aaj usse aur kam ho raha hain. Manufacturing has shrunk to 15% of the GDP from the peak of 18.6% in 1995. Value of stalled projects climbed to 7.60 trillion from 5.2 trillion. RBI bulletin shows corporate capital expenditures have fallen since Modi government has come to power. Yeh aankre hain, hamare aankre nahi hain, yeh aankre aap sabko mil jayenge, yeh official aankre hain. Toh yahi hum kehe rahe the jaha bhi jaye woh ek hi cheej milti hain.Sir GDP ka forecast 7.73% batatein hain aasal mein who hain 5%. Kyunki aapne yeh forecast ka tarika badal diya hain. 2% ka ghata wohi ho gaya. Rozgar nahi badha, berozgari jarur badhi hain. Fresh FDI badha bilkul nahi hain. Exports gira hain aur gir raha hain. Bank barbad ho gaye hain. Karz na woh de rahe hain nah koi karza le raha hain. Bankon se jab baat karte hain tab who kahte hain ki hamare upar toh ek hi taqat hain sirf apni jo schemes hain woh target karo. Bank ka poora vatavaran badal gaya hain. Aaj trade war aur tel ke daam ke karan hamari taqato aur humari finance nitiyon mein bahut mushkil aane wali hain aur muskil hain. Aur hum jab yeh sawal puchhte hain aapko? Jawab kya milta hain? Ek hi jawab – Hindu-Musalman, Bharat-Pakistan, Shamsan-Kabaristan. Ek hi jawab milta hain jo bhi sawal karo. Aapne puchha aviswas kyun? Aviswas isliye hain aapka jo data hain uspaar logo ka bharosa uth gaya hain. Methodology ki bal par aap GDP par pit pit kar tali bajate hain.Lekin uske hisab… <interruptions>
Arthik governance mein na apko dilchaspi hain na hi samajh. Aisa hota toh yeh batayien Bharat ke Chief Statistician kaun hain? Chhay mahine mamuli baat hain kyun ki aankre mein aap jayenge toh pol khul jayegi. Toh aapko yeh achha lagta hain ki koi aankre na aye. Yeh sawaal hum puchte hain ki Chief Statistician ko kyun nahi late ho? Aap ka jawab kya hain? Ek hi jawab, Hindu-Musalman, Bharat-Pakistan, Shamshan-Kabristan. Roz kisano ki baat ki, main uspe nahi jaunga kyunki samay nahi hain. Demographic dividend ki jo baat karte hain, demography abhi disaster ban gaya hain kyunki naukriya nahi mil rahi hain. Kamzor varg ke log, jo Dalit hain, shoshit hain, mahila hain, aaj unke liye koi programme nahi hain. Aur hum unke bare mein puchte hain toh jawaab woh hi aata hain – Hindu-Musalman, Bharat-Pakistan, Shamshan-Kabristan. Yeh polarisation ek khatarnak khel hain. Change ka vote, uske saaath nafrat, khudgarzi aur satta ka lobh yeh desh ke liye khatra hain. Brutality hamara Bharat nahi soch sakta hain, yeh lynching hamara Bharat nahi ho sakta hain. Accha Hindu, saccha Hindu, asli deshbhakt dukhi hain, aaj bahut hi naraz hain.
Asli mudda doosra hain. Ek mudda hain kale dhan ka jo aapne kaha tha hum bandh kar denge. Us vishay par hum zyada charcha nahi karenge zyada samay bhi nahi hain. Aapke do teen char lakshya the – jaise Demonetisation – unme se ek bhi lakshya aapko nahi mila.
Aaj kya ho raha hain? Aaj yeh ho raha hain, Prime Minister yeh zaroor bataye, ke aapka CBI ka jo chief hain apne deputy chief se kyun lar raha hain? Aapka Revenue Secretary ED ka ek officer se kyun lad raha hai aur ED ki Chief us officer ko bachane ke liye aap hi ke boss Revenue Secretary ki baat public mein kyun zahir kar raha hai? Yeh aap zarur bataiye. Iss ka matlab yeh hai ki kahi na kahi kuch gadbad hai.
RBI ki baat aai… notebandi ki baat jab humne kahi, to kaha ki ginti chaalu hai. Do saal ho gaye aur aaj bhi pata nahi chala ki kitni rakam wapas aayi. Yeh sarkar chaar saal meh loktantra aur sabhi sansthano ko khatra pahunchaya hai jaise humne pehle kaha. Ek gazab ka nasha chal raha hai ki maaro sabko, aggressiveness dikhao. Aur jab lyinching hoti hai police wahan khadi hoti hai, jisko maara jata hai uske paas.
Ek hi kavita hai us ko padh kar apni baat khatam karunga. Aaj jiski lynching ho rahi hai, chahe woh Dalit ho ya soshit ho, kehta hai –
Zindagi se badi koi saza nahi aur jurm hain yeh pata hi nahin.
Itne hisson mein bat gaya hoon main, mere hisse mein ab kuch bacha hi nahi.
Aye zindagi bata ab kahaan jayein
Aye zindagi bata yeh noor ka shahar hain
Aye zindagi bata ab kaha jayein zeher bazaar mein milta hi nahi,
Dhan ke haathon bik gaye hai sab aur, kisi jurm ki saja nahi.
Aur aakhir mein woh kehte hain, log toont jaate hai ek chota sa ghar banane mein, aur tum taras nahin karte ho bastiyan jalane mein.
Aur jiske kaaran yeh fasaad hota hai uska koi ata pata bhi nahi hota hai. 2019 mein agar yahin raha toh maaf kijiyega aap ka ka bhi koi aata pata kahin nahin rahega.
Aap ka bahut bahut dhanyabad.
