Lok SabhaRajya Sabha

March 14, 2017

Dinesh Trivedi speaks on Demands for Grants of Ministry of Railways for 2017-18

Dinesh Trivedi speaks on Demands for Grants of Ministry of Railways for 2017-18

FULL TRANSCRIPT

Thank you very much Sir. Main apni party ko bhi bohot dhanyabad dena chahta hoon jinone mujhe yeh mauka diya. Humne kal hi Holi manaya. Sabse pahele sab sathiyo ko aur desh wasiyon ko Holi ki bahut bahut mubarakbad. Mamata Ji isko bahut acche shabdon mein kehte hain ki Maa, Mati aur Manush. Woh hi humein disha dikhatein hain.

Aur humne kahaan sathiyon, hum sab rajniti mein kyu hain? Kyuki sabse bada hain desh. Humare sabki niyat yeh hi hain, niti alag ho sakti hain, humara jo debate hota hain shayad woh niti ko leke hota hain, niyat sabki ek hoti hain ki desh kaise aage bade. Desh rahega toh hum rahenge, aur desh ke liye sab kurban. Aur yehi baat main kehna chahta hoon.

Yeh aisa desh hain jiska parichay kya hain? Himalaya. Kya aap Bharatvarsh ki kalpana kar sakte hain Himalaya ko apne samne na rakhte huye? Hindustan ki ek aur parichay hain – Ma Ganga. Aur tisra parichay hain hamari Bharatiya Railways. Yeh tin aisa parichay hain jo desh ko jodti hai.

Aaj jo escalators etc lage hain uski nibh kaheen na kaheen Mamata Ji ne lagai hogi, ke unke budget mein pass kiya hoga, process thoda der se chalta hain magar hum sabki ek hi akanksha hain ke iss prakar se rail mazboot bane aur usske age kuch nahin. 14 March, 2012 mein main ne yeh hi kaha tha “Desh ki ragon me daurti hai rail, Desh ke ha rang ko jodti hai rail, dharm, jati-pati nahi janati hai rail, chote-bade sabhi ko apna manti hai rail”.  

Sir, yehi hamari bhavna hain ki Rail kis prakar se aage bade. Sab se pehle jo zikar ho raha tha ki Rail ki tarakki zaroori hain aur uske liye hum koi mauka nahi chodte. Rail ki jo karamchari hain, unke balboote se aaj Rail jahan par hain; iski neev hain Rail ki karamchari. To aaj tak ki uplabdhiyaan main Rail ke karamchari ke naam karta hoon aur har ek karamchari ko main jhuk ke pranam karta hoon. Aap hi ke wajay se Rail aj bulandiyon par pahunchi hain.

Is saal ek aitihasik budget tha kyun ki dono budget ko ek saath milaya gaya. Sir, beech mein ek Convention Committee ki baat huyi thi. Ab itihaas ke panno mein hum jaye to 1924 mein jo Convention Committee – Separation Convention Committee – huyi uska ek itihaas hain. Samay mere paas bohot kam hain to main uspe nehi jaoonga, magar, 1898 se 1924 mein Rail ko ek bohot zyada profit huyi thi – Rs 103 crore. Uske baad Angrezon ko laga ki bhai yeh to kamdhenu gai hain, tab se unhone alag kiya ta ki unhe paisa mil sake interest mil sake.

Finance Minister ne Budget pesh karte hue kaha ki ‘The merger of the Railway Budget is a historical step. We have discontinued with The Colonial Practice Previlances 1924’. Sir, mera is mein ek alag manna hain, aur mera manna hain ki jab tak aap Railway ke paribhasa ko badlenge nehi, tab tak Rail jis prakar se aage badni chahiye us prakar se aage nahi bad sakti.

Main yeh kyun keh raha hoon? Railway ka definition kya hain Sir? Railway ka definition hain aur main paragraph five of ‘The Concept Paper of The Rail Department of Authority of Indian Railways’ January 2016 padh raha hoon. Aur woh kya kehta hain? “Indian Railway is a Department of Government of India, it is also a commercial organisation that has to operate on some business principle, apart from recovering the cost, it is imperative to generate revenue streams educate to generate surplus, required for capital investment and for future expansion, periodic renewals of asset upgradation of infrastructure and providing for safety related works.”

Sir, yeh paribhasa colonial hain, jab tak yeh paribhasa ko aap nahi badlenge, tab tak Rail ki tarakki nahi ho sakti; Sir, aap puri duniya ke Rail ko aap le sakte hain, Rail aapne aap revenue generate kar ke growth nahi kar sakti. Wo alag vishay hain us bishay par main baad mein aaonga, par Cabinet Note bhi yehi kehti hain ki, ‘it will continue to be a Department run commercially undertakings.’ To us bishay ke charcha main baad mein karoonga, magar jab tak woh paribhasa aap nahi badlenge.

Rail ki paribhasa kya honi chahiye? The Railways should be that infrastructure which will add a half per cent to the GDP, and it will be a catalyst. Apne aap mein profit nahin kar sakti hain, bahut mushkil kaam hain. Aur khas kar ke Hindustan, jahan itne gareeb baste hain, aur wahi poore Hindustan ki takat hain. Woh aap ne chunav mein bhi dekh liya. Magar yeh paribhasha colonial hain. Iss paribhasha ko aap ko badalna hi parega.

Kyunki yeh demand ka vishay hain, toh mein thode aankhron mein jana chahunga. Bahut baar aankhre bahut boring lagte hain, political speeches achhi lagti hain. Kyunki aankhre ka sawal hain, mujhe padne main dilchaspi aati hain.   

Sir,pehli baat toh, main Bangal ki taraf nazar rakhoonga. Humare ongoing projects Rs 40,000 crore ke barabar – ongoing, jo abhi hain; pichle projects ko toh hum saath nahin le rahe hain. Aap ne paise diye hain, uss liye hum shukrguzar hain – aap ne sirf 15 per cent diye. Sir, iss se kya hota hain ki gati bahut dheemi ho jati hain, aur jab gati bahut dheemi ho jati hain tab uske daam badh jati hain, aur phir kehte hain ki aap paise diye.

Sir, mein ullekh karoonga – bahut saare projects hain – metro projects kitne hain, aur metro projects ke baad jab aap kahenge, toh ek toh hain aap ka Joka ko le ke BBD Bag. Hamara khud ka kshetra, Barrackpore – bahut saari samasya thi, wahan land ki bhi samasya thi. Mein Mamata ji ko dhanyavaad dena chahta hoon, Prabhu ji ke saath baithkar jitna bhi jatil mamla tha, woh jatil mamla sab suljha diya.ab gati aap ke haath mein. State Government ki taraf se sab mamle suljha diye. Toh Sir, 15 per cent yadi dete hain toh bahut bahut hi kamzoor par jayegi aap ki speed. Ab iss ke baad.

Mein ab aankhre pa aaonga jo hamara Railways Demands for Grants 2017-18 ka Vishay hain. Sir, mujhe thori fikr hain. Manoj ji, mujhe fikr yeh hain ki – main aankhre ke saath kahoonga – ki jo aap ne passenger revenue for financial year 2017-18 ka kiya hain,main uss par aap ka nazar gaur farwana chahoonga. Percentage of growth in the Budget Estimate 2016-17 is (-)1.74. Percentage growth over RE 2016-17 is (+)4.40. Suburban is (+)0.92%, non-suburban is (-)0.66%.

Sir, iss mein humko ek baat yeh kehni hain ki aap jab comparison karte hain toh Budget Estimate ka saath Budget Estimate karte hain. Yahan aap jab comparison karte hain aur kehte hain 4.4% hamara badega toh ab Revised Estimate se aap compare karte ho to budget estimate ho gaye revised estimate. Kam hogaye aur phir aap forecast karte hai zyada ka aur kehte hai itna percent bada woh percentage barta hai aapka revised estimate se. So, growth over budgeted estimate 2016-17 was minus 4.61 percent matlab itne passenger ka aapne revenue kum hua. Aap BE 2016-17 ko BE 2015-16 se compare kare non suburban ka toh minus 5.14 percent ka aapka ghata hua.

Sir issue kya hai? Issue yeh hai, Sir ki when there is a continuous decline in BE to BE figures jab aap woh compare karte ho last two years  and actual have also shown decline. How is your forecast for 2018 showing an increase of 0.20%? How is this possible, Sir? ye possible nahi hai. Dil ko bhailane ke liye yeh khayal acha hai ghalib magar ye mujhe kehi na kehi aakro main kami lagti hai. Similarly average road is not increased and passenger kilometre is also going down. The projected increase is only 0.2 percent in 2017-18 over RE 2016-17. How will the railway achieve a financial increase of 4.4 percent over RE 2016-17?

Yadi aap fare increase karte hai toh parliament ko kehna parega. Will there not be a diversion of passengers? Sir aaj kal kya hora hai passenger number kum hora hai woh jaa rahe hai ya toh air mein nahi to Volvo bus mein. Ab dekhiye last year se compare kare toh air traffic 24 percent bade hai aur last 6 saal main dus crore passenger plane se jane lage.

Sir, paanch cheezon se aapko paisa ata hai – ek toh fare se aata hai, parcel aur luggage revenue se ata hai, postal se ata hai, postal van charges, ticket checking se aata hai aur special train se ata hai. Sir during 2016-17 BE was projected to increase 34 percent increase in revenue of BE of 2015-16 magar kya hua aapne project toh kiye tha 2016-17 showed the increase of only 8.41 percent. During 2017-18 BE has been  projected at a modest of 5 percent over BE of 2016-17 but 30 percent over revised estimate jiska zikar main pehle kar raha tha.

Aap revised estimate ka sahara le kar dikha rahe hai ki bahut bara increase ho raha hai magar yeh mujhe lagta hai ke kahi na kahi gumrah ho raha hai. Sir issue kya hai issue yeh hai ke in the past 3 years Indian Railways fell short of its budget estimate in the segment parcel  by 25 percent. Isn’t the expectation of this vast increase only a wishful thinking?

Sir, parcel traffic is decreasing day by day. The Ministry of Railways should justify if there is any chance of its increasing and how are they going to increase it. Postal vans are also reducing due to the diversion of postal mail to courier services. The Indian Railways has not been able to harness e-commerce. E-commerce ka bahut ek bara hissa hai jo Railways ke paas ja sakta tha. Aaj woh road pe ja raha, air pe ja raha.

Sir, forecast for the goods traffic is also not very good. Sir, the freight forecast for financial year 2017-18 – percentage growth over 2016-17, is 0.19% only. Aur percentage growth over RE , phir aap ne RE laga diya, woh aap ne dhikaya 8.5%. Growth forecast for freight traffic (physical), that is, metric tonne, Sir, the percentage growth over 2016-17, you have shown as a 0.69% increase. Percentage growth over 2016-17 is (+)6.5%. But actual mein yadi hum dekhe, yadi hum BE ko BE se compare karte hai toh 2016-17 mein (-)2.5% over BE of 2015-16. Sir, iska matlab yeh hai ki asal jo hai aap ka passenger kam ho raha hain, revenue kam ho rahi hain, aap ka freight bahut bahut  kam ho raha hai. Sir, conclusion ke dwar pe yeh hain ke this is the first time in Railways recent history where originating tonnage has decreased over the previous year. Yeh kabhi nahi hua tha. Kyunki  India is a growing economy, logh kahin na kahni, shayed road par ja rahe hai, aur kuch ho raha hai. Coal ke movement nahi ho rahi hai.

Sir, earnings per millions of freight traffic has remained static for the last 2 years. Yadi do saal se aap ke traffic static hain, toh Sir yeh toh bahut hi mushkil kaam hain, aur jo aap projection kar rehe hain Sir, if your operating ratio is 94.57, mujhe pata nahin  kahan se aayega. Mere paas Sir aankhre hain end of December tak. Yeh Railway ke aankhre mere pas  hain. Usme dikathe hain ki operating ratio is 110 (109.60 or something like that) kyonki 110, matlab aap ko Rs 100 kamane hai toh Rs 110 ke lagaat lagani paregi. Toh kahin na kahin, Sir, woh economy aap ke Railway ki charbarah rahi hain, ushi ki aur mein apka dihaan aakarshan karna chahoonga Sir.

Sir, the Railways has reached a stage where the internal resource and revenue funds is mainly 11%. Sir the internal revenue is only funding 11%.Budget outlay of 2017-18 of 1.31 lakh crore. It only looks at the trains the Railways is funding from outside. Sir, isme extra budgetary resource hain, aap ka borrowing hain, aap ka debt hain.

Sir the Railways revised net revenue estimate of 2016-17 stands at Rs 7,695 crore, compared with the Budget Estimate of Rs 18,210 crore. Matlab aap ne socha Rs 18,000 crore milega. Apne revise kiya to Rs 7000 crore, a decline of 58% yeh bohut gambhir samasya hai.

Sir the railway revenue from 2017-18 is estimated as 1,78,350 crore which is 9% increase from revised – again they are taking revised. Sir the Railways Surplus has been on the decline – decline by 20% of the estimated. Aapka jo flexi fair hai usse apka revenue kam ho rahi hai, aap figures par chale jaaeye yadi yatri ko Rs 3000 AC ka vara dena hai toh woh toh budget airline meh Rs 2000 ya Rs 2500 rupaye meh pahunch jaega; apka bohut nuksaan ho raha ha.

Sir, aakhir meh aapne kaha hai sources of Rashtriya Railway Shuraksha Kosh. Sir main yeh pucchna chahta hoon yadi koi airline maan lijiye kehti hai yeh humara safety fund hai aap uss airline meh jaenge kya? Kyunki safety is your responsibility; you can’t say this is a separate safety fund. That is the railway’s responsibility, if tommrow any airlines say this is a safety fund yadi humara tyre kharaab ho gaya safety fund meh paise honge toh hi tyre badlenge nahi toh tyre nahi badlenge. Is that acceptable?

Aajkal itne saare accidents kyu huye? Itne accidents historically nahi huye, is accidents ka kaaran yeh hai ki aapke paas depreciation – jo purane assets ko change karta hai har saal aapko Rs 25000 crore rupeya uss depreciation – mein daalne chahiye. Us depreciation ko chhor kar, yeh naya rail kosh fund chalu kiya hai. This is nothing but a depreciation fund. So i am asking that if you do not give depreciation to change the railways from Rs 25000 crore, if you all are only giving Rs 3000 or 5000 crore, then I think it is a dangerous situation.

Sir aakhir mein main dohrana chahunga jo maine 14 March 2012 ko kaha tha:

 

‘Rail gaadi ki chuk chuk meh aam aadmi ki dhak dhak hai,

Railway gaadi ki chuk chuk meh aam aadmi ki dhak dhak hai,

Rail gaadi ki barkat meh hi desh  ki barkat hai,

Railway gaadi ki chuk chuk meh aam aadmi ki dharkan hai,

Rail gaadi ko kuch dular ki zarurat hai thodi rahat thodi chahat thodi pyaar ki zarurat hai, Kyuki Railway gaadi ki chuk chuk meh aam aadmi ki dhak dhak hai’.
Bahut bahut dhanyawad.