February 26, 2016
Vivek Gupta makes a Zero Hour Mention on Zika virus
Zika virus ke bare me Bharat Sarkar aur jo hamare Swasthya Mantralay hai unko koi jaankari nahi hai, ekdum chup chap baithe huye hai. Iska na kuch prevention kiya jaa raha hai, na monitoring kiya ja raha hai, na iske liye koi kit hai.
Sir, iska outbreak India mein hona hi hai aur hamesha ki tarah outbreak hone ke baad iska ek upay kare, isse achha hai ki ispe jald se jald karwahi kiya jay aur iska prevention ka upay kiya jay.
Sir, ye Dengue virus ki tarah dikhta hai aur hamare doctors ne yeh bhi maan liya hai ki bahut saare cases jab Dengue ka hai woh shayad Zika ke bhi honge.
Sir, Indian Medical Association ne advisory tak issue kar diya hai pregnant woman waha nahi jaye, iske alawa ispe koi karwahi nahi ki hai. Is liye, Sir, main sadan ka zyada samay barbad na karte huye mai aapke madhyam se chetavni dena chahta hu ki ispe jald se jald karwahi kiya jay.
